Urtero bezala, Askapenako brigadako kideok Uruguain eman dugu azken astea. Hemen, Coordinadora 24 de Agostok Euskal Herriarekiko burutu den elkartasun keinu garrantzitsuenetariko baten harira izugarrizko lana egiten du: Espainiaren esku utzi nahi ziren euskal errefuxiatu politikoen eta asilo eskubidearen alde Uruguayko herria kalera atera zenekoa oroitu, eta poliziaren karga bortitzaren ondorioz, erahildako Fernando Morroni eta Roberto Facalen kasuen gaineko justizia eskatzea. Aurten 25 urte bete dira guzti hau gertatu zela, eta, Montevideon herri mugimendua kalera atera da berriro ere.
Berriro ere Buenos Airesera itzuli eta bertan gure Argentinako egonaldiko azken egunak pasa ditugu. Egun hauetan, Cordobako esperientziari jarraituta, OLPk zein beste eragile batzuk antolatuta dauden auzo eta esperientzietara hurbildu gara. Tartean, hauteskundeen lehenengo itzulia bizitzeko aukera izan dugu. Hurrengo lerroetan ekimen desberdin hauek azalduko ditugu.
Urtero bezala, abuztuaren 24ean Montevideon martxa edo manifestaldi bat antolatzen da El Filtroko sarraskia oroitu eta inpunitatea salatzeko. Aurten gainera 25 urte betetzen dira gertakari latz haietatik eta bertan izan dira Askapenako brigadistak. Martxan zehar hainbat kiderekin izandako elkarrizketekin osatu dute bideoa, tartean Manueltxo, duela 25 urte Filtroko ospitalean zen euskal borrokalaria
