Gora munduko emakumeon borroka!

Urte beltza izan da emakumeontzat iazko martxoaren 8tik gaur artekoa. Feminizidioa, bortxaketak, prekarietatearen gorakada… Patriarkatuak gure aurka martxan duen gerrak iraun bitartean urte beltzek jarraipena izango dute.

Baina argi moreak ere izan ditugu. Mundu mailan jasaten ari garen erasoei mundu mailako erantzuna ematen hasiak gara. Emakumeak elkartu, gure aldarrikapenak batu eta borrokak uztartu ditugu. Horren adibide dira #NiUnaMenos ekimena eta honi jarraituz gaurko egunerako deitu den nazioarteko emakumeon lanuzte orokorra. Gure gorputzen zapalkuntzan oinarritzen den sistemarentzat ez dugu produzituko!

Emakume oro libre den artean gu ere ez garelako libre izango, eta ez dagoelako emakume askerik gabeko herri askerik, internazionalismotik gaurko egunerako mugimendu feministak deitu dituen mobilizazioekin bat egin eta horietan parte hartzera dei egiten dugu.

Gora munduko emakumeon borroka!

Gora martxoaren 8a!