 |
2013ko brigadak aurkeztuko ditugu Irunen
Submitted by admin on Al, 2013/02/25 - 21:41
Martxoaren 1ean, 19:00etan, aurtengo Brigaden kanpaina aurkeztuko du Irungo Askapenak Hazia Kultur Elkartean.
Animatu eta parte hartu!
Brigadak joan etorriko internazionalismoa bultzatzeko lan tresna politikoak dira. Hain zuzen, euskal herri langile antolatua beste herrien esperientziez aberastuz eta aldi berean gure herri borrokaren berri emanez. Zentzu honetan, gure herriak bezala, inperialismo-Kapitalismoari men egiten ez dioten herrien borroka esperientzi trukea oso da funtsezkoa.
Entzun Antxeta Irratian eginiko elkarrizketa
2013an beste behin ere, Herri Boterearen adierazgarri garrantzitsuak diren prozesu, herri, auzo edo lantegietako esperientziak ezagutu beharrean gaude: Argentina,Uruguay, Venezuela, Bolivian. Bestetik, lehen eskutik ezagutu nahi ditugu , estatuen errepresio gordinari erantzunez erresistentzia desberdinen esperientzia eta ezaugarriak Palestina edo Saharar lurralde okupatuetan. Hauetxek dira aurtengo brigaden ildo nagusiak, joan etorriko elkartasuna gauzatu dezagun.
Izena emateko idatzi: brigadak@askapena.eus
