Hasteko, elkartasunik beroena Euskal Herritik epaituak izaten hari diren Florentziako 89 lagunentzat.
Beste behin ere, herri mugimenduaren kontrako eraso baten aurrean aurkitzen gara, non militante ezberdinen lan politikoa epaitu nahi den. Italiako Estatuak, Españolak askotan egin bezala, bere disidentzia politikoa zokoratu nahi du kapitalaren eta Estatuaren interesak defendatu ahal izateko. Horrela, herri mugimenduaren kontrako errepresioa erabiltzen du etengabe.
Otsailaren 18an abiatuko da Bilbotik #Correscales edo #KorrikaPrekarioa martxa. Hego Euskal Herriko lau herrialdetatik igaro ondoren Bartzelonaraino bidea jarraituko du 800 km-ko ekimen honek. Herriz herri batzarrak antolatzen ari dira ekimenaren berri emateko eta sarean lagundu ahal da diruz proiektua HEMEN.
Abiapuntuan iaz Movistarrentzat lan egiten duten teknikoek ia 80 egunez egin zuten greba dute, bertako langileak baitira kanpaina sustatu dutenak. Jasotako dirua, ordea, erresistentzia kutxa kolektibo baterako izango dela iragarri dute, oinarrizko lan baldintzen defentsan ari diren beste langileak ere babesteko.
Askapenatik bat egiten dugu prekarietatearen aurkako martxa honekin eta Euskal Herriko internazionalista guztiei dei egiten diegu ekimen honetan parte har dezaten.
