Hemen bildu garen herri mugimenduko ordezkariak gure hausnarketa plazaratu eta Aberri Egunerako indarrak batzeko asmoak batu gaitu.

Euskal Herria amaraun sare batean bezala, harrapaturik dago agorturik dagoen egungo markoaren gatibu. Behin eta berriro, herri gisa garatu eta arnasa hartzen saiatzen bada ere, egungo markoaren itzalak estaltzen ditu euskal jendartean sortu litezkeen esperantza argiak.

Espainiar eta Frantziar Gobernuek erasoek ez dute ez muga ez eta etenik ere.  Ikusi besterik ez dugu Frantziar Gobernuak Ikastolen aurka abiaturiko auzibidea eta Herriko Etxeen gainean ezarririko presioa. Zer esanik ez hego Euskal Herriko Udaletan Euskararen inguruan harturiko konpromisoak geldiarazi asmoz abiaturiko auzibidea.

Bide berean dakusagu, Nafarroa garaian aldaketarik eman ez dadin Madrilek luzaturiko eskua edo eta Nafarroan bertan hezkuntza komunitatearen eta euskaldunen aurka abiaturiko sorgin ehiza. Ikastetxeetan ikuskatzeak egitera iritsi dira, testu liburuetatik Euskal Herriarekiko erreferentzia guztiak ezabatu asmoz.

* Urtarrilaren 11ean Bilboko manifestazioan iragarri zuten astea

Errepresioaren aurrean.. Gora Euskal Herria askatuta!

Euskal Herriarekiko Nazioarteko VIII. Elkartasun Astea (Apirilaren 4tik 3ra)

Euskal Herriak behin eta berriz erakutsi du tinko eutsiko diola bere burujabetzaren aldeko borrokari. Bere askapen sozial nahiz nazionala ukatzen dioten Estatu arrotz eta indar ekonomikoen aurrean argi adierazi du ez diola inolaz ere muzin egingo bere askatasunari. Bere historian, exekuzio pelotoien aurrean, tribunal militarren edo gaur egun bezala salbuespeneko tribunalen aurrean, manifestazio militarizatuetan, atxiloketa arbitrarioetan, Gaztetxeen desalojoetan edo grebetako pikete erreprimituetan, Euskal Herriko gizon eta emakumeek oihu ozen eta argiz adierazi izan dute injustizia eta errepresioaren aurrean borrokan, lanean jarraitzeko beraien konpromisoa: Gora Euskal Herria askatuta!

Euskal Herriaren Lagunak saretik oihartzuna eman nahi diogu herri honen oihuari, herri oso baten determinazioari. Horregatik Euskal Herriarekiko Nazioarteko VIII. Elkartasun astean, Europa eta Latinoamerika luze eta zabalean Espainiar zein Frantziar Estatuek aurrera daramaten errepresioa salatzeaz bat gure egingo dugu Euskal Herriaren aldarria.

Dagoeneko lau urte igaro dira Ezker Abertzaleak nazio askapenerako estrategia aldatzeko erabakia hartu zuela. Bi urte baina gehiago bete dira ETA erakundeak jarduera armatua behin betiko utzi zuela. Baina pausu kualitatibo handiak eman eta nazioarteko agente ezberdinek exigentzia argiak egin dituzten arren, Frantziar eta Espainiar Estatuek beraien errepresio estrategian tenkantzen jarraitzen dute. Atxiloketak, epaiketa politikoa edo preso eta senitartekoen erailketak eragin dituen espetxe politika basati eta krudela da gaurko egunez beraien apustua. Finean gatazkaren politikoaren ondorio eta muinari heldu ez eta konponbidea jorratzeari uko egiten diote.

Gaur amaitzen da Brigadak14 izen emateko epea eta hiru hilabetako hitzaldi eta kanpainari amaiera emateko atzoko egunez, martxoak 29 larunbata Kanbon festa internazionalista antolatu genuen Aitzina gazte antolakundearekin bateran. 

Lehenik mahai ingurua izan zen, 30 lagunetik  gora bertaratu ziren. Aitzinako kide batek hartu zuen hitza eta duela gutxi sortu den gazte antolakundeak internazionalismoarekin duen konpromiso eta beharraz aritu zen. Ostean, Askapenako kide batek hartu zuen hitza eta herrien arteko xamurtasunak Euskal Herrian izandako ibilbidea azaltzeaz gain, brigaden gaineko informazioa eskaini zuen. Hizlarietan azkena, Saharan duela bi urte izandako gertuko brigadista  bat izan zen. Bere brigadan izandako bizipenak eta bere balioaz  jardun zuen. Hamaika izan ziren jarraian, jendearen galdera eta ekarpenak, brigaden gaineko galderak, kontraparteak osatzeko lehentasunak,  nazioartean elkarrekin batera borrokatzeko aukerak...

Askapenak emakumeon burujabetzaren alde datorren apirilaren 5ean Iruñean ospatuko den manifestazioari bere atxikimendua adierazten dio eta bertan parte hartzea dei egiten du.

BABESA EMATEN DIOGU manifestazioari, aldarrikapenaren eta protestaren erdigunean emakumeon gorputz askeak eta burujabeak jartzen dituelako, baita dagozkigun sexu eta ugalketa eskubideak ere, ama izateko edota ez izateko eskubidea barne.

BABESA EMATEN DIOGU Iruñeako kaleak zeharkatuko dituen manifestazioari, aldarrikatuko duelako, inolako luzapen edota aitzakiarik gabe, abortua bere-berehala Kode Penaletik atera dadila, eta emakumeon eskubidetzat har dadila, emakumearen borondate librez eta eskaeraz gauzatuko dena.