Lehenengo egunak Argentinan.

Buenos Airesera iritsi bezain pronto, Radio Popular la Caterva irratira gonbidatu gintuzten. Gainerako brigadistak taberna batean utzi eta taxiz joan ginen brigadistetako bi. Zer galdetuko ziguten ez genekiela, irratiak dakarrenaren aurrean urduri. Bertan; Argentinara etortzearen zergatiez, egun bizi dugun egoeraren inguruan, gazteriaren inguruan eta krisiaz aritu ginen berbetan.

Bigarren egunean, ATE (Asociación de Trabajadores del Estado) sindikatuan hasi genuen goiza. Mahai bueltan, matea edanez, hartu-emaneko elkarrizketan. ATE, 1925.n sortu zen. “La Boca” auzoan, Buenos Airesen. Egun, 200.000 afiliatu ditu sindikatuak. Bere baitan, sail guztietako langileria barnebiltzen duelarik.

Detienen a un brigadista vasco durante una protesta en Palestina

Askapena euskal erakunde internazionalistak irmoki salatu nahi du prentsa ohar honen bidez, euskal brigadista bat Palestinan atxilotu izana eta gure elkartasunik beroena adierazi nahi genioke atxilotuari.

Al- Ma´sara herrian asteroko protestaldien baitan, militar sionistek atxilotu dute eta une honetan ez dugu bere berririk, Igor Goikolea gasteiztarra da atxilotua.

Azken kronikan brigadistek idatzi bezala, bi gazte europear atxilotu eta kanporatu zituzten protesta batean parte hartze ari zirela, oraingoan, euskal brigadista bati heldu zaio, sionismoaren oldarraldia gertutik ezagutzea.

Hala eta guztiz, internazionalismoa behin eta berriz kolpatu arren, jakitun gara herriok elkar babesten eta elkarri laguntzen jarraitu behar dugula:

Ez gaituzue geldituko!

Internazionalismoa ez da delitua!

Gora Palestina askatuta!

Palestinan dagoen brigada eguneroko errepresioaren lekuko izan da duela egun gutxi.

Bidalitako kronika eta bideoan jasotzen denez, Israelgo militarrek bi gazte europar atxilotu eta kanporatu zituzten manifestazioan partzen ari zirela.

Nazioarteko solidario ezberdinek palestinar herritarrekin batera ostiralero egiten duten manifestazioan parte hartzeko aukera izan dugu, Al - Ma'Sara herrian hain zuzen ere.