Convocatoria en castellano
Bilgune Feminista, Askapena eta GITE-IPESek abenduaren 15ean (ostegunean, Bilboko San Frantzisko Auzo etxean 19:00etan) antolaturiko Feminismo Islamikoaren gaineko jardunaldien jarraipenean parte hartzera gonbidatu nahi zaituztegu.
Emakumeak, erresistentzia eta errebeldia programan sarturik, feminismo islamikoaren hurbilpenarekin jarraituko dugu. Islam paradigmaren baitan egituraturiko mugimendu, diskurtso eta ekintza feminista da islamiar feminismoa.
Erabilera interesatuan edo ezjakintasunean oinarritutako estereotipo sentsazionalistak eta erredukzionismo gezurti eta faltsuak albo batera utzita, islamiar feminismoaren proposamen teoriko eta ideologikoak aztertuko ditugu baita murgiltzen den gizarteen eraikuntzari eginiko ekarpena ere. Oraingo honetan, arabiar munduan suertatzen ari diren aldaketen aurrean islamiar feminismoaren erronkari ekingo diogu, bere antolaketa, sareak, estrategiak, borrokak eta beste feminismoekiko harremanak.
Horretarako Asma Lamrabet gurekin izango dugu, islaman eta Koranan aditua, medikua-hematologoa, islamiar feminismoaren garapenerako nazioarteko GIERFI taldeko lehendakaria eta Islamari buruzko emakumezkoen ikerketa Zentroko zuzendaria (Rabat).