(abajo en castellano)

Venezuelako eskuin kolpistak ez du atzera egiten Maduro presidentea eta Venezuelako Gobernu demokratikoa kanporatzeko ahaleginetan. Herrialdea ezegonkortzeko saiakera diren manifestazio bortitzek hamarnaka hildako utzi dituzte jada.

Oposizio kolpistak urteak daramatza 2002an emandako Estatu kolpe saiakera errepikatzeko aukera emango dion eskenatokia bilatzen. Herria jasaten ari den bortizkeria maila larria Estatu kolpea edo atzerritar eraso militarra justifikatu dezakeen taktikaren aurpegia baino ez da. Oposizio faxistak Gobernua kanporatu nahi du eta horretarako hildakoak eragitea ez zaio batere inporta, errenta petroleroaren kudeaketak bizitza horiek baino askoz gehiago balio du haientzako.

Venezuela Aurrera plataformako eragileok Venezuelako herria eta Gobernuaren aurkako edozein eraso salatzen dugu, are gehiago eraso hauek hain gordinki bortitzak direnean eta nazioarteko prentsa isilean gordetzen saiatzen denean.

Komunikatu labur honen bidez Venezuelako Iraultza Bolibartarrak gure babes osoa duela adierazi nahi dugu eta oposizoaren faxismoaren aurrean gu gure izaera antifaxista eta internazionalistan berresten gara. Gure elkartasunak ekarriko ditu Euskal Herriko kaleetara nazioarteko komunikabideak isilarazten saiatzen diren ahotsak. Horrexegatik Venezuela Aurrera osatzen dugun eragileok datorren ekainaren 18an Bihotz Sakratutik 12.00etan aterako den manifestazio nazionalerako deialdia egiten dugu.

GORA IRAULTZA BOLIBARTARRA!!!

NO PASARAN!!!

(abajo en castellano)

Manifestu hau sinatzen dugun eragile sozialek, hurrengo uztailaren 7 eta 8an Hamburgon burutuko duten G20aren gailurra salatu nahi dugu. G20 bezala ezagutzen den gailurra, 1999tik aurrera munduko 20 estatu boteretsuenetako buruek osatzen dute, eta bertan, munduaren geroari dagozkion erabaki garrantzitsuenak hartzen dituzte.

Bertan, politika ekonomikoa, finantzieroa, komertziala, enplegua eta garapenaren inguruan hitz egiten dutala diote. Ez omen da falta izaten klimaren inguruko solasalditik. Aurtengoan ordea, errefuxatuen aferak, migrazioen fluxuak eta politika antiterroristak leku garrantzitsua hartuko omen dute. Gure ongizatea erdigunean edukiko luketen bezala planifikatzen dute gaiordena, ondoren herriok berezko beharko genituzkeen erabakiak luxu guztiez inguraturik 20ren artean hartzeko.

G20ak munduko erabakiak nola hartzen diren erakusten digu 2 egunetan zehar. Segurtasun ikaragarriz zaindutako luxuzko bunkerretan dominazioa nola burutuko duten zehazten duten bitartean, kalean protesta eta manifestazioak ixilarazten dituzte. Herritarronak diren erabakiak gutxi batzuen interesak defendatzeko hartuz.

Herriok eta herritarrok horrela, ez dugu inolako erabaki gaitasunik. Bertan hartutako erabakiak, goitik behera zuzendutako kate baten azkeneko katebegia izatera behartzen gaituzte. Eskema horren baitan ez dugularik gure erabaki propioak hartzeko gaitasunik. Baina, herriok gai gara erabakiak hartzeko. Gai gara, gustoko duguna, ez duguna gustoko, guretzat ona dena eta txarra dena ezberdintzeko eta gure erabaki propioak hartzeko inolako injerentziarik gabe.

Beraz, Herri bezala, G20aren diktaduraren kontra esnatzeko ordua heldu zaigu. Katebegia izateari utzi, begiak ireki eta kateak austeko ordua dela ulertzen dugu. Herritarroi dagokigu erabakiak hartu eta bururaino eramatea, eta beraz, herri bezala, G20aren aurrean. Herri hau osatzen dugun gazte, langabe, soldatapeko, etxeko langile, emakume, ikasle... herritarrok, burujabetzarako eskubidea exigituko dugu, gaur egun erabakiak hartzeko aukera berdinak ez ditugula kontuan hartuta, erabakitzeko gaitasuna izan nahi dugulako.

Horretarako, bi deialdi egiten ditugu:

• Alde batetik Uztailaren 8an bueltan Euskal Herriko herrialde ezberdinetan egingo ditugun mobilizazioetan parte hartzera.
• Bestalde, Euskal Herriko ordezkaritza bat bezala autobus bat antolatuko dugu Hamburgora Uztailaren 7 eta 8an egingo diren Manifestazio erraldoietara. Autobusean apuntatzeko, idatzi herriokerabakiekimena@gmail.com helbidera.

Ez dugulako G20aren diktadura onartzen, Herriok erabaki!

Askapena erakunde internazionalistaren 30 urteurrena dela baliatuz, izaera bereko ekintza ugariren topagune bihurtuko da Irungo herria.

Aipamen historiko gisa, Askapena munduko toki askotan bizitzen diren burujabetze borrokek duten elkartasun beharraren ondorioz sortu zela gogorarazi nahi da. Hastapeneko urteetan, iraultza sandinista, altxamendu zapatista eta amerikako lurraldean sortutako hamaika borrokek, bestelako mundu bat eraikitzea posiblea zela amestera eraman bagintuzten, denboran hurbilagoko ondorengo urteek lurralde europarrean kapitalismoari alternatibak sortzea bideragarria dela ere irakatsi ziguten. Inongo gupidarik gabe sistematikoki bonbardatuak diren ekialde hurbileko herriekin elkartasuna adieraztea ezinbestekoa dela ere ikasi genuen, maila humaritarioaz gain, ikuspegi politiko batetik.

Neoliberalismoa globalizatzen joan den heinean, gure erresistentzia eta  elkartasun dinamikak ere globalizatzen joan dira. Askapenak, internazionalismoa joan-etorriko bidaia bezala ulertzen duenez, urte hauetan zehar igaro izan den herrialde guztietan Euskal Herriaren burujabetze borroka ere gizarteratu nahi izan du.

Efemeride hau oinarri gisa izanik, hauek dira  datozen egunetarako Askapenak antolaturiko jarduerak:

• Ekainak 13an, 18:30tan Hazian. Brigadista euskaldunek Palestinan egindako argazki erakusketa eta "Palestina, vidas al límite" dokumentalaren estreinaldia Aitor Txabarrirekin.
• Ekainaren 16an, 18:30tan Moskuko plazan. Hitzaldia: "Kurdistango iraultza soziala"
• Ekainaren 17an, Hazian:
  • 12:00tan Euskal internazionalismoaren inguruko mahai-ingurua: "Askapena, 30 urte borrokak uztartzen"
  • 14:00tan Bazkari nikaraguarra
  • 18:00 Triki-poteoa

Topa  dezagun Askapenak 30 urte bete dituelako borroka internazionalistan, eta topa  dezagun borrokan jarraituko dugulako Euskal Herria aske eta munduko gainerako herriekin solidarioa izan dadin lortu arte. 

Horregatik, ekainaren  16an, ostirala, 7 Katun ospatuko dugu hainbat ekitaldiekin:

19:00etan, «Venezuela Aurrera» manifestazioa egin baino bi egun lehenago, eztabaidatuko dugu nola eta zergatik den inportantea sendotzen jarraitzea internazionalismoa prozesu bolivartarrarekin.

Ondoren, Aiamaren ahotsaz eta bere estilo magikoaz disfrutatzera gonbidatuko zaituztegu, sanbatik jazzera egingo duen ibilbidean; dantzatzera punk eta kunbia soinuen arteko nahasketa Radio Revoluciónen eskutik, eta Zarzaparrillaren estilo originalaz, swink, Bilbiko hondartzatik zuzenean hona etorria.