Asteburu honetan Bilbon, Konpartxeroen eguna ospatu zen. Jai herrikoien aldarriarekin bat eginda bertan izan ziren ASKAPEÑA KONPARTSAko kideak ere, ilegalizazio mehatxuen aurrean lanean tinko jarraituko dutela aldarrikatzen. Bi horretan, Bilboko Aste Nagusirako, Mekauen konpartsa internazionalistarekin elkarlanean abuztuaren 27rako hitzordu berezia antolatu dute eta deia zabaldu, euskal jendarteari jaia eta aldarriarekin bat eginda bertaratzeko.

Hemen ASKAPEÑA KONPARTSAren irakurketa euskal internazionalismoaren aurkako prozesua abiatzean eta fiskaltzaren aldetik konpartsaren disoluzio eskaeraren aurrean (abajo en castellano)

Entzutegi Nazionalak bost euskal internazionalisten aurka abian jarri berri duen prozesuaren aurrean, ozen salatu nahi dugu Estatu Espainolak bere diskurtso zapaltzailea zalantzan jartzen duen ahots oro ixilarazteko beste behin ere egin duen saiakera, oraingo honetan fiskaltzak eginiko Askapena erakunde internazionalistaren eta gure konpartsaren beraren disoluzio eskaerarekin.

Pasa den uztailaren 12an, San Ferminetako igandean, beste urte batez Herri mugimenduko eragile ezberdinok, Ikasle Abertzaleak, Euskal Herrian Euskaraz, IruñHerriko Harresia, Sortzen eta Askapenak elkarlanean egun osoko egitaraua antolatu genuen, urtean zehar egiten dugun lana azaleratzeko eta jai giroan herri mugimenduaren izaera eta izana indartzeko.

Datorren uztailaren 18an Aizpurgin, David Soto auziperatuaren herrian epaiketa, eskaera fiskalaz eta Herriak Libre dinamikaz hitz egiteko asanblada informatibo eta irekia antolatu dute. Arratsaldeko 18:00etan izango da Idorroki elkartean.

Dabid Soto Aldazek 44 urte ditu eta Barañaingoa da. Bere militantzia gazte mugimenduan hasi zen. Eta 1990n hamarkadako saltsa gehienetan ibili zen: irrati libreak, soldaduzkaren kontrako borrokan, hainbat okupaziotan…  konpromiso hori eten egin nahi izan zuten eta 2000. urteko irailean Iruñean atxilotu zuten EKINen kontrako sarekada batean beste 19 lagunekin. 8 hilabete egin zituen espetxean eta 7 urte beranduago 18/98 prozesuan epaitu eta absolbitu zuten.

2010ko irailaren 28an ordea berriz ezagutu zuen Davidek ziega beltza. Hiru hilabete pasatu zituen espetxean  eta beste inputatuei bezala, neurri oso zorrotzak jarri zizkioten kalera ateratzeko: Estatutik ateratzeko debekua, 60.000 euroko fidantza, astero sinatzera joateko agindua, pisua eta kontu korrenteak enbargupean… 

Otsailean jakin zen kalifikazio fiskalak isun ekonomikoa eta 6 urteko kartzela zigorra eskatzen zuela Gabi, Unai, Walter, Dabid eta Aritz kideentzat eta Askapena, Askapeña, Herriak Aske y Elkar Truke elkarteen ilegalizazio eta disoluzioa.

Atzo, uztailak 13 hasiera emango zitzaion Gasteizen frackanpada 2015 ekimenari, Euskal Herrian egingo den frackingaren aurkako nazioarteko akanpadari hain zuzen ere. Egitarau mardula antolatu dute eta Askapenako kideok hitzaldi ezberdinetan parte hartuko dugu.

Euskal Herrian bezala, beste herri batzuetan ere fraskingaren aurkako erresistentzia borroka bizi bizirik da, eta beraz, etsai berdina dugun heinean beharrekoa izaten jarraitzen du herrien arteko esperientzia trukaketa eta harremana. Antolatzaileek adierazi dutenaren arabera  12 herrialde desberdinetako jendeak erakutsi du bertaratzeko asmoa.