Cuba Informacioneko kideek Unai Vázquez auziperatua jaso zuten beraien estudioan eta familia giro atseginean espetxera eta ilegalizatu nahi duten borroka internazionalistaz jardun zuten. 

Otsailean izan genuen eskaera fiskalaren berri. Bertan Walter Wendelin, Aritz Ganboa, Dabid Soto, Unai Vázquez eta Gabi Basañez auziperatuen kontrako seina urteko espetxe zigorra eta Askapena, Askapeña, Herriak Aske y Elkar Truke elkarteen ilegalizazio eta disoluzioa eskatzen zen.

Gaur goizean Martin Garitano Gipuzkoako Ahaldun Nagusiak eta Nazioarteko Lankidetzako zuzendari den Arantzazu Santosen Walter Wendelin, Aritz Ganboa, Dabid Soto, Unai Vázquez eta Gabi Basañez auziperatuei harrera egin die Diputazioan eta espetxe zein ilegalizazio eskaeraren aurrean babesa adierazi die.

Espetxe eta ilegalizazio eskaeren aurrean, dagoeneko Euskal Herriako eragile politiko, sozial eta sindikal ezberdinen babesa jaso dugu eta nazioartean ere, munduko hamaika txokotako eragile zein norbanakoen atxikimendua jasotzen ari gara. Elkartasun  hau guztia batzeko datorren apirilaren 25ean ekitaldi politikoa burutuko dugu Zarautzen. Atxikita bidaltzen dizuegu oharra, aukera bazenute argitaratzeko.

Azken urteetan Kapitalismoaren ofentsiba berriak nabarmen eragin du Europa eta Euskal Herrian. Eta honekin batera baita mobilizazio eta grebak ere.

Eremu politikoan aldaketa estrategiko bat eman bazen ere inperio espainiarrak bere ildo errepresiboan sakondu eta gogor jotzen jarraitzen du Euskal Herri independiente, sozialista, feminista eta internazionalista baten alde lanean dihardutenen aurka. Tartean Askapena.

Beste urte betez, datorren apirilaren 11ean, armagintzaren aurkako VIII. Bizi-Martxa burutuko da Bilbotik Getxora. Komite Internazionalistak, Eguzki, Ekologistak Martxan, Kakitzat, KEM-MOC eta Askapena mugimenduek antolatutako ekimen honek arma industrian aritzen diren enpresak salatzea eta lantegi horiek industria sozialeko enpresa bihurtzeko eskatzea du helburu. Bilbon hasi eta Barakaldo naiz Getxon arma industrian aritzen diren bi enpresa lotuko ditugu.

Martxa goizeko 11:00etan hasiko da Bizkaiko Foru Aldundiaren egoitzaren aurretik. Handik Barakaldoko Precicast militar lantegira hurbilduko dira txirrindulariak, Getxoko Sener enpresaren aurrean bukatzeko.

Ekimen honekin "salaketa bikoitza" egin nahi dute Bizi Martxaren deitzaileek. Alde batetik, gastu militarrarako eta armagintza bultzatzeko "euskal instituzioek gero eta diru gehiago desbideratzen dutela adieraztea" eta, beste aldetik, "euskal armagintza eta Israel armadaren arteko dagoen harremana azaleratzea".