300 kilometrotako bidaiaren ostean Rosario hirira iritsi dira Argentina Uruguayko brigada kideak. Nahiz eta bertan egun bakarra eman, intentsitate handiko orduak izan direla azaldu digute. Hainbat bilera burutu dituzte eta biziki interesgarriak diren esperientziak ezagutu. Hemen kronika

Lehenik eta behin, Federación Anarquista Rosario-ko kideekin bildu gara informazioa elkartrukatzeko. Gainera, Rosarioko ATE – CTA sindikalistekin hitz egiteko aukera izan dugu, baita Madres de Plaza de Mayo-ko emakumeekin ere.

Banabilgo desplazatuekin lehen egonaldia egin ostean, Mexikoko egonaldiaren bigarren zatian La Realidadeko komunitate Zapatistan egon dira brigada kideak, BriCoen kanpamentuan. Bertan gure arduradun izan diren kideen hitzekin osatu dute gaurko kronika hau. 

La Realidadeko komunitate Zapatista eta indigena Chiapasen aurkitzen da, Zapatistek egiten duten munizipioen banaketaren barruan, hau da, Municipios Autonomos Rebeldes Zapatistetatik (MAREZ) “Municipio de San Pedro de Michoacan”en. Komunidadeak dira antolakuntza unitate txikienak, ondoren, munizipioak datoz (70-80 komunidadek osatuta) bakoitzak bere autoridade munizipalak izanik eta azkenik Karakolak eta bertako Junta de Buen Gobiernoak (JBG).

Gure kanpamentua zapatisten klinika, eskola, emakumeen kooperatiba eta bost karakoletako (La Realidad, La Garrucha, Oventik, Morelia eta Roberto Barrios) baten ondoan kokatzen da.  Karakolak komunitatearen izen berdIna du “La Realidad, hacia la esperanza”. Komunidade honetako JBGek 15 egunetako txandak egiten dituzte eta 12 gizon eta 12 emakumez osatuta dago. Ez dute soldatarik, dirutan ez behintzat, komunidadeko kideek aportazioak egiten dituzte JBGko kideei soldata bezala emateko.

Jerusalemetik bidali digute azken bideo kronika izango dena brigada kideek. Bertan, hiru aste hauetan ikusi, ikasi, bizi eta sentitutako labur azaldu digute, "apartheida bertatik bertara ikustea oso gogorra izan da" azpimarratu dute oraingoan. Brigada bere amaierara heldu bada ere, palestinarekiko elkartasun internazionalistak ezin du eten. Horregatik, blokeo mediatikoa gainditu eta #BDZ kanpainarekin bat egietara deitu dute brigada kideek! Gora Palestina askatuta!

Bideo kroniken bitartez beraiekin batera ikusi eta ikasi ahal izan dugu nolakoa den palestinarren eguenoko ogia. Hemen dituzue bideo guztiak ikusgai. 

Arratsaldean jakin berri dugu El Aaiunnen aurkitzen ziren brigadako kideak kanporatuak izaten ari direla. 24 ordu ere ez dituzte bertan egin eta gaur arratsaldean, aurkitzen ziren  sahararren etxera polizia sartu eta beraien borondatearen aurka atera dituzte. Kontrol batera eraman dituzte jarraian. Atxikita zituztela bi kide paretaren aurka jarri dituztela azaldu digute eta ostean denak, bost brigadistak, taxi batean sartu dituztela Saharatik kanporatzeko. Datozen orduetan brigada kideekin harremanetan jarri eta kanporaketa hau nola izan zen jasotzen ahaleginduko gara.