PDF euskaraz/castellano

Jardunaldiotan Bretania, Kurdistan, Països Catalans, Qollasuyo (Ayllu eta Marka nazioa) , Irlanda, Ingalaterra eta Euskal Herriko goi mailako abokatuak, herri eragileak eta gobernu ordezkariak izango dira Donostian Martxoaren 27 eta 28an. Jardunaldi irekiak dira eta edonork hartu dezake parte izango diren hitzaldietan. Askapenaren ustez aukera ezin hobea dugu Udalbiltza-ren eskutik herrion eskubidetaz jarduteko bai eta herrion arteko harremanetaz jarduteko ere. Animatu eta parte hartu!!!

Segi egitaraua irakurtzen:

Herriek Bere Eskola nazioarteko hezkuntza informazio buletinaren azken alea duzue hau. Bertan Bologna prozesuaren inguruko informazio zabala aurki dezakezue.

Bologna prozesuari jarri zitzaion muga 2010a izan zen. Jada urte horretan gaude eta gauza asko aldatu badituzte ere prozesu osoa ezin izan dute bururaino eraman. Hori dela eta "Bologna 2020" prozesu berriari ekin diote Europako Hezkuntza Ministroek. Prozesu honetan argiago uzten da unibertsitateek enpresekin izan beharreko harremana zein den, eta orain arte kritikatu diren hainbat gauza, lehen argi agertzen ez ziren horiek, orain inoiz baino zuzenago esaten dituzte.

Herriek Bere Eskola nazioarteko hezkuntza informazio buletinaren ale honetan gai honi heltzen diogu eta zertzelada batzuk ematen ditugu. "Bologna 2020" dokumentua, hala ere, laburra da. Berari loturak eskaintzen ditugu, bakoitzak bere ondorioak atera ditzan.

Jaitsi, irakurri eta, inoiz baino garrantzitsuago... hausnartu eta zabaldu!

Datorren martxoaren 27an Iruñean giro internazionalistaz gozatzeko aukera izango dugu Askapenak antolatutako 'Festa Internazionalistan'. Musika, jan-edana eta munduan borrokan dauden herriekiko gertutasuna ez dira faltako. Beraz animatu eta parte hartu hurrengo festa honetan.

Hona hemen egitaraua:

19.00tan TRKIPOTEO INTERNAZIONALISTA Jarauta kalean zehar
 
21.30tan AFARIA Depor tabernan txartelak salgai Depor, Katu eta Askapenako dendan arratsaldez (Jarauta 21)
 
23.00tan MAPUTXEEN INGURUKO BIDEOEMENALDIA Depor tabernan
 
23.00tik aurrera GAU INTERNAZIONALISTA GIROAN, Depor, Lanbroan, Katun eta Haritzan

 hamaika herri, borroka bakarra!

Pasa den larunbatean, Basque Solidarity Campaign-ren (euskal Herriaren Lagunak) eskutik hitzaldi eta proiekzioak izan ziren Edinburgon. Ekimen honen helburua  Euskal Herrian bizi izan den ata gaur egin bizi den gerra zikinari buruzko informazioa ematea zen, azken kasu krudelari ere so eginez, Jon Anzarena. Hamarnaka lagun gerturatu ziren, tartean  euskaldunak, espainolen bat, eskoziarriak, Polonia, Mejiko eta Peruko lagunak eta Fight Racism Fight Imperialism-en taldeko kide batzuk.

Sarrera moduan Euskal Herrian 80. Hamarkadan bizi izan zen gerra zikinari buruzko bideo bat eman zen. Ondoren 70-80 hamarkadetan gertatutako gerra zikinari buruzko elkarrizketa bat egon zen, euskal janari eta sagardoa dastatu aurretik.

Danon artean jan, edan eta hitz egin ondoren, Itsaoaren alaba filma proiektatu zen, gerra zikinaren ondorio pertsonalak adierazteko.  Ondoren, Jon Anzaren kasuari buruz informazioa eman zen gaurko gerra zikinaren adibide moduan. Eta bukatzeko kontzertu internazional bat egon zen Edinburgoko Bannermans tabernan: Bergarako Fly Shit, Kircaldyko (Eskozia) Drive by Auto eta Poloniako After Birth  taldeekin.