Ez dira kontu berriak baina hemen dituzue espaniar estatuko, Venezuela eta Kolonbiako hainbat hedabidek azken asteetan Askapena kriminalizatu eta intoxikatzeko utzitako hainbat "perla". Informazio hauen egileak ondorengo kazetariak izan dira: Maye Primera (El País), D. Martínez eta J. Pagolamadrid (ABC), Alberto Lardiés (Intereconomia), Valentina Lares (El Tiempo-Kolonbia) eta Nelson Bocaranda (El Universal-Venezuela). Kazetariak dira ala boteretsuen eta beren poliziaren propaganda aparatuak?
Kazetarien zeregina teorian jendartea informatzea da, iturriak kontrastatuz, ikertuz... Gaur egun, ordea, hedabide gehienak (eta baliabide ekonomiko handienak dituztenak), soldata ordaintzen dieten boteretsuek diktatzen dietena idazteko daude, soil-soilik, lumadun txotxongiloak.
Bereziki nazkagarria da saltzen diguten kaka ikerketa-kazetaritzat, etologotzat, ezker abertzalean aditutzat irentsi behar izatea. Edozein sasi-kazetarik idatzi ahal du Askapena "ETAren GKEa" dela, Askapenaren brigadistak "ustezko ETA kideak" direla, Askapena "ETAren sareko erakundea" dela...
Guk egiten dugun lana elkartasun internazionalista jorratzea da, ez besterik, baina "kazetari" hauen irizpide faxisten arabera elkartasuna delitua bada, herriek beren duintasuna defendatzea delitua bada, askatasuna ametsa izatea delitua bada eta mundu justu eta libre baten alde borrokatzea delitua bada... bada errudunak gara, gurea delitua da eta hala bedi.
elkartasun astearekin:
intereconomia1 eta intereconomia2
Chávez-ETA-FARC :
abc, el país, venezuelako 'el universal' eta kolonbiako 'el tiempo'
Atzo, martxoaren 10ean ASEL ASKE! plataforma eta Askapenak hitzaldi bat antolatu zuten Bilboko La Bolsa aretoan, alde batetik, Maputxeen historia eta gaur egungo egoera hurbilarazteko eta, beste alde batetik, Asel Luzarragak jasaten duen kartzela eta Txilen emandako tratua salatzeko.
Pasa den igandean 'Israeli Boikot' ekimenaren baitan elkartaratze bat burutu zuten Bilboko EITBren egoitzaren aurrean GITE-IPES, Sare Antifaxista, Komite Internazionalistak eta Askapenak.
Datorren egunotan internazionalismoan murgiltzeko bi parada izango ditugu Gasteizen. Batetik hasi berria den aurtengo Askapenaren brigadak10 kanpainaren aurkezpena, non brigadetan parte hartu nahi duzuenak edota ekimen hau gertutik ezagutzeko gogoa duzuenak aukera paregabea izango duzuen. Eta bestalde Asel Luzarraga, Txileko gobernuak bahitutako euskal idazlearen egoera gertutik ezagutu eta Maputxe herriaren gaineko informazioaz bustitzeko aukera 'Asel askatu' plataformako kide eta Askapenako kideen eskutik. Hemen dituzue zitak:
