Irakurketak

_{(abajo en castellano y francés)}

Europako eragile sozial, sindikal eta politikook honako manifestu hau sinatzen dugu, eta honakoa adierazten diogu kontinente osoko herriari:

Europar Batasunari uko egiten diogu, herrion eta langile klasearen dominazio politiko, ekonomiko, militar eta kulturalerako egitura bat delako eta, aldi berean, helburutzat sistema kapitalista, inperialista eta patriarkalari eustea duelako, gutxi batzuen mesedetan.

Garai latzetan bizi gara. Faxismoaren joera areagotzen ari da, arrazismoa eta xenofobia hedatzen, emakumeon eta gorputz disidenteon aurkako matxismoak eta indarkeriak ez du etenik, eskubide indibidual eta kolektiboak segunduro hausten zaizkigu, mugak gero eta zorroztasun handiagoz ixten, lan-eskubideak galtzearekin batera herritarron pobrezia maila errotzen ari da, lurraldeak eta tokiko nekazaritza suntsitzen, pribatizazio eta kapitalak exijitutako murrizketen garaietan murgilduta gaude, Europar Batasun barruko eta kanpotik datozen migrazio-exodoek hutsarazten dituzte etxeak, ezarritako boterearen aurkako mobilizazio, abeslari edo idazle oro gogor jazartzen da, herrion autodeterminaziorako eskubidea ukatzen, Estatu Batuen, Europar Batasunaren eta NATOren eraso inperialistak gogortzen ari dira, forma ezberdinetan. Eta zerrenda honek ez du amaierarik. Finean, herrion eta langile klasearen aurkako erasoen garaian murgilduta gaude.

Baina, argi daukagu ez dela denborak sendatuko duen koiunturazko egoera bat; alderantziz, egiturazkoa da. Hau da, Europar Batasuneko botereek herriari ematen dioten erantzuna da, delako garapenari bide ematen jarraitzeko eta, hala, metaketa kapitalistaren sistemari eusteko. Izan ere, Europar Batasuna horretarako sortu zen, Europako eliteen interesak defendatzeko eta mantentzeko, aurpegi atsegina erakutsi nahi izan badigute ere.

Hori guztia kontuan izanda, argi adierazi nahi dugu ez dela posible Europar Batasuna aldatzea, ezinezkoa dela herrion eta herri klaseon interesei erantzungo dion Europar Batasun bat. Troika, Europako Batzordea, NATO, EUROPOL... erabat egitura antidemokratikoak dira, eta Europako Parlamentua inolako eraginik ez duten organismo parasitario bat, elite eta transnazionalei men egiten diena. Demokratizaziorako edozein alternatiba eraiki nahi bada, nahitaez, Europar Batasuna deseraiki eta herrion burujabetzan nahiz elkarren arteko elkartasunean oinarritutako integrazio eredu bat eraiki beharko dugu, egungo eremu geografikoaz harago.

Beraz, manifestu hau sinatzen dugun eragileok, elkartasun internazionalista areagotzeko eta Europar Batasunari alternatiba elkarrekin diseinatzen hasteko deia egiten dugu, herrion eta langile klasearen zerbitzura egongo den alternatiba.

Europan, 2018ko azaroan

Martxoaren 21ean, Newroz egunean, Kurdistango askapen mugimenduak honako mezua helarazi zion jendarteari:

“Burkide agurgarriak,
gaur, Newroz erresistentzia egunean, Siriako Ipar Ekialdean hedatuta zegoen Estatu Islamikoaren porrot militarraren berri eman nahi dugu, eta ildo beretik, Leyla Guven eta gose grebalariei agur bero eta indartsu bat helarazi. Era berean, gure burkide guztiei Newroz zoriontsua opatzearekin batera, azpimarratu nahi dugu gure gogoa EIren kontra eta bizitza aske baten alde bidean geratu diren horiekin guztiekin dagoela.

Aipatu garaipen militar honen oinarria, hain zuzen ere, Rêber Apok (Abdullah Öcalan) garatutako XXI. mendeko sozialismoan dago, eta jendarteak garatutako demokrazia erradikalean, emakumeen askapenean eta ekologia sozialean ditu zutabeak.

Mazlum Dogan eta Zülküf Gezen izar ditugula, erresistentzia handiagoko urtea espero dugu. Borrokak aurrera darrai, Efrîn askatuko dugu eta iraultza eta sozialismoa mundu osoan zehar barreiatzeko borrokan jarraituko dugu. Gure burkide internazionalista guztiei dei egiten diegu garaipen une historiko hau ospa dezaten eta erakuts diezaioten munduari ezinezkoa gela gelditzea bizitza duin baterako eta  askatasunerako nahia!

Newroz pîroz be, Newroz zoriontsua!
Berxwedan jiyan e – Erresistentzia bizitza da!
Isolamendua apurtu, faxismoari hortzak erakutsi, Kurdistan askatu!”

Askapenatik ere hala jakinarazi nahi diogu Euskal Herriari, erresistentzia garai gogorrak ari dela bizitzen herri kurdua, Rojavako borrokari gose grebalarien borroka gehitu baitzaie. Duela hilabete batzuk Leyla Guvenek, DTKko bi lehendakarietako bat eta HDPko parlamentaria, gose grebari ekin zionetik ehunka izan dira turkiar espetxeetan borroka horri batu zaizkion preso politikoak. Hala eman zuen bizitza Zülküf Gezen preso politikoak eta berriki  Ayten Beçet eta Zehra Saglemek. Leyla Guvenek berak ere 135 egun daramatza gose greban.

_{(abajo en castellano)}

20 urte bete dira Hugo Rafael Chávez Frías izeneko militar pobre eta mulato bat Gobernura iritsi eta Venezuelan garai berri bat hasi zenetik. Eta berarekin, ordurarte baztertuak zeuden miloika herritar hasi ziren herrialdearen gidaritza hartzen, bigarren independentziaranzko bidea egiten.

Pentsaezina zen eraldaketa martxan jarri zuen mugimendu bolivartarrak; gizarte neoliberalaren zimenduak astindu eta sozialismoranzko bidea hasi zuen Venezuelak, herri xumeari boterea emanez. Baina iraultza bolivartarrak kontinente osoa izan du helburu. Venezuelak eta Kubak bultzatutako nazioz gaindiko egiturek (ALBA, CELAC, UNASUR, Petrocaribe, TeleSur...) “Kolonbia Handiko” ideia bolivartarra ia 200 urte beranduago, eta ikuspegi ezkertiar batetik gauzagarria zela erakutsi zuen. Izan ere, Chavezek eta Fidelek garatutako politika internazionalista eredu izan da edozein iraultzailerentz

_{(abajo en castellano)}

Ameriketako Estatu Batuek 750 base eta misio militar dituzte munduko 128 herrialdetan. Ez gara obsesio militarista eta inperialista horrek sortutako gerrak zerrendatzen hasiko, baina tamalez horien guztien konplize bihurtu gintuzten duela 33 urte.

1976ko martxoaren 12an erreferendum iruzurti baten bidez NATOren barruan sartu gintuzten. Baina Euskal Herriak, izaera antiinperialistari helduz, eredu bikaina eman zuen, egitura kriminal horri ezezkoa emanaz. Jakitun baiginen, aliantza inperialista horretan sarturik, kaltea baino ez zuela eragingo bai beste herriei eta baita gure herriari ere.

Izan ere, gaurko efemeride honetan, euskal herritarrontzako suposatu dituen kalteak eta euskal instituzio zein enpresek gerrarekin duten konplizitatea jarri nahi dugu mahai gainean. Hemendik milaka kilometrotara NATOk sortzen dituen gerrek eragina dute gugan, ezkutatzen saiatzen badira ere.