BIZI ELKARTASUN INTERNAZIONALISTA!

Urteak daramatzagu brigadak antolatzen munduko hainbat herrialdetara, zapalduok elkarren borroka nahiz eraikuntza esperientzien berri izateko eta elkar hauspotzeko. Eta urtez urte, elkarren urgentzia areagotzen da, munduko langileok elkar batzeko urgentzia. Larrialdian gaude eta garaiak okertzen doaz; inperialismoaren, patriarkatuaren eta faxismoaren aurpegi gordinenak bizitzen ari garelako, hain zuzen ere. Lehentasunezkoa da, beraz, praktika eta elkartasun internazionalista indartzea.

Brigadak izan ditu Askapenak horretarako tresna baliagarri eta eraginkorrenak. Herrion borrokak ezagutu eta geure borrokak haietatik elikatu. Beti esan izan baitugu, beste herriei egin diezaiekegun ekarpen iraultzailerik handiena dela geurearen askatasuna. Estu gaude, estu gaude Euskal Herriko langileok, zer esanik ez zapalduenok: emakumeok, migratzaileok, gazteok, adinekook, nekazariok… eta aliatuak bilatu ezean, bai Euskal Herrian bai munduan zehar,bizitza eta kapitalaren arteko kontraesan horretan itota bukatuko dugu. Saretze hori bizi, landu eta borrokatu beharra dugu, ezinbestean. 

Brigadista izateak berekin dakar beste herriekiko eta geurearekiko konpromisoa, eta bereziki, tokian tokiko borrokak ezagutzeko grina. Tokian tokikoak diogu, baina maiz urrun daramagu burua, geurean apenas dagoelakoan. Lehentasunen zerrendan dugu Europa, Euskal Herriaren joko zelaia. Europako langileria gero eta baldintza okerragoetan bizi da, eta faxismoa ari da izaten horren akuilu; aldi berean, ezkerrari bitartekoak falta zaizkiola dirudi horri guztiari aurre egiteko eta egoera iraultzeko baldintzak sortzeko. Baina bada zer ikasi eta zer borrokatu, badelako berpizten ari den mugimendu iraultzailea ere. Periferiako herriek bizi duten egoera landu eta ezkerreko mugimenduen errealitate eta prozesuak biziko ditugu, etxean dugunaz ere hausnar dezagun. Latinoamerikari begira, berriz, azken garaietako oldarraldi gogorrena bizitzen ari da. Hala ere, eraso horien aurrean, kontinente oso bat zutik erresistentzia gogorrean ari da haien lurrak, gorputzak eta bizitzak defendatuz. Ekialde Hurbila eraso inperialisten diana da, eta yankien azken kolpeak erabat astindu du eskualdea. Gertutik biziko ditugu mendebaldearen eta sionismoaren aurkako herri erresistentziak eta askapen borroka askotarikoak.

Beraz, lagun internazionalistok, hasi da brigada kanpaina! Inperialismoari eta faxismoari aurre egiteko mekanismoak eta borrokak jaso, haietatik ikasi eta elkarbanatzera goaz, Euskal Herri sozialista, feminista eta internazionalista eraikitzeko ale berriak jasotzera goaz. Eman izena, heldu konpromisoari eta bizi elkartasun internazionalista!


Gora Euskal Herria internazionalista!
Hamaika herri, borroka bakarra!


 

AEBk Ekialde Hurbilean egindako azken erasoaren harira

 Yemenen miseria eta deskonposizio totala, Afganistan nahiz Irakeko okupazio militarra eta jazarpena urte luzez,   Siriako  gerra inperialistak utzitako hondamendia, Iranen demonizazioa,  Libano etengabeko tentsioan eta   sionismoaren begiradapean, Palestinako sarraskia… Ekialde Hurbilean inperialismoak eragindako gerrek 6 milioi   pertsonatik gora eraildako utzi dituzte.   Aipatutako guztiek dute kanpo interbentziotik, eta ez, ez dira gerra edota   ondorio sektarioak, barne-talkek sortutakoak. Inperialismoak ezegonkor nahi du Ekialde Hurbila, dardarti, hark   ezar dezan egonkortasun asimilatzaile eta sakeatzailea: demokrazia, segurtasuna eta aurrerapena haien   hitzetan; pobrezia, kapitalismoa eta gerra, geureetan.

 

Abenduak 7an denok Durangora!

 

Azaroak 25, indarkeria matxistaren aurrean autodefentsa feminista!

Indarkeria matxistak baditu milaka aurpegi. Patriarkatua birsortzen ari da nonahi, eta bortxaren eta heriotzaren sistemaren aurrean autodefentsa mekanismoak martxan jartzeaz gain, logika patriarkala iraultzeko prest ditugu gorputzak, bizitza dugu arnas eta argi, eta elkartasun internazionalistaz eta feministaz eraikitzen ari garenak egingo gaitu aske.

Ohi baino azkarrago ilundu du aurten Sao Paulon eta Kobanen, Amazoniatik iritsitako kea eta bonbak Rojavako eskola eta ospitaleetan. Ilun dago mediterranear itsas hondoa. Gas negar-eragileak  Hendaian eta La Pazen. Bakea nahi baduzu, presta zaitez gerrarako. Izebergaren puntan agertzen zaizkigun sarraski eta genozidioak, diskurtso xenofoboak, mass media faxista eta abar luze bat.

Gerran gaude, ez gaudela sinestarazi nahi diguten arren, eta ondo dakigu aurrera egiten. Ondo dakigu eraikitzen. Ari gara sare feministak sendotzen, zaintza eta elkartasuna erdigunean jartzen, justizia burges patriarkala borrokatzen, gerrak salatzen eta gerren erantzuleak seinalatzen, erasotzaileak kanporatzen, auzoak altxatzen, etxe hutsak okupatzen, apurtzen, eraikitzen, desegiten, egiten.

Kolektibotasun eta sare internazionalistaren bitartez soilik lortuko dugu sistema kapitalista patriarkalaren gainbehera eta bestelako harreman sozialen eraikuntza. Logika osoa apurtzeko ezinbestekoa dugu munduko emakume zapaldu guztion arteko aliantza. Elkarlan eta elkartasun internazionalistaz bagoaz aurrera. Indarkeria kapitalista heteropatriarkalaren aurka antolatzen eta kalera ateratzen jarraitzeko deia egin nahi dugu Askapenatik. Itzaletik argitara, gaurkoa ere zuentzat: Berta Cáceres, Sakine Cansiz, Marielle Franco, Begoña García “Alba”, Florentina Jimenez, Magouette Mbeugou, Roxane, Sophia Losche… zuekin memoria osatzen jarraituko dugu.

 

Hainbat irakaspen Boliviatik | Algunas lecciones desde Bolivia

Estatu kolpea gauzatuta eta honen osteko jazarpen eta erresistentzia testuinguruan murgilduta, ondorio batzuk atera ditzakegu Boliviako Estatu Plurinazionalean gertatutakoari buruz. Informazio, bideo eta sare sozialeko mezuez gain, gertatzen ari denaren atzean dauden eragile eta interesez jabetu behar gara. Era laburrean, eta beharrezko tartearekin, hauexek dira Estatu kolpearen egiaztapen batzuk

Irakurri osorik


 

Consumado el golpe de Estado y sumida Bolivia en un contexto de persecución y resistencia que evoluciona de forma vertiginosa, se pueden extraer una serie de enseñanzas de lo sucedido en el Estado Plurinacional de Bolivia (veremos cuánto tardan en quitar lo de “plurinacional”). Enseñanzas que, sin descubrir nada nuevo, sí que corroboran hechos, intereses y factores inseparables de la confrontación entre pueblos y capital. Más allá de las informaciones, videos y mensajes en redes sociales, es necesario ser conscientes de los actores e intereses tras lo que está sucediendo. El proceso boliviano, con sus dificultades, aciertos y errores (que no han sido pocos) no es sino un proceso paulatino de liberación de las mayorías, históricamente marginadas y explotadas por una élite económica local blanca de origen europeo y por el imperialismo yanqui. De forma abreviada y con la debida distancia, éstas son algunas constataciones tras el golpe de Estado

Seguir leyendo

Orriak